Təsviri: Hər birində 10 tablet olmaqla, 2 blister (20 tablet) içlik vərəqə ilə birlikdə karton qutuya yerləşdirilir.
İstifadəsinə göstərişlər:
Preparatdan tənəffüs yollarının, əsas simptomu patoloji qatılaşmış selik və bəlğəm olan kəskin və xroniki obstruktiv xəstəlikləri zamanı, məsələn, bronxial astma, bronxit, bronxoektaziya zamanı istifadə olunur. Preparatdan həmçinin seliyin durulaşdırılması tələb olunan burun və udlağın iltihabi xəstəlikləri zamanı istifadə olunur. Xaliksol preparatından quru öskürək zamanı istifadə olunmur.
Əks göstərişlər:
ambroksola, bromheksinə və ya preparatın digər tərkib komponentlərinə qarşı hiperhəssaslığın olması;
hamiləlik və laktasiya dövrü;
mədə-bağırsaq traktında xora xəstəliyinin olması.
İstifadə qaydası və dozası:
Adi dozalar:
Böyüklər və 12 yaşdan böyük uşaqlar: müalicənin ilk 2-3 günü ərzində adi gündəlik doza gündə 3 dəfə olmaqla, hər dəfə 1 tablet, növbəti günlər isə gündə 2 dəfə olmaqla, hər dəfə 1 tablet və ya gündə 3 dəfə olmaqla, hər dəfə ½ tablet təşkil edir.
5-12 yaşlı uşaqlar: gündə 2-3 dəfə hər dəfə ½ tablet.
Tabletləri yeməkdən sonra və çoxlu miqdarda maye ilə qəbul etmək lazımdır. Çoxlu miqdarda maye qəbul edilməsi ambroksolla müalicə zamanı seliyin durulaşmasına şərait yaradır. Ağır böyrək çatışmazlığı zamanı aşağı dozalar təyin etmək və ya preparatın qəbulları arasındakı fasiləni uzatmaq lazımdır.
Əgər Siz hesab edirsinizsə ki, Xaliksol preparatının effekti çox güclüdür və ya zəifdir, onda məsləhət üçün əczaçıya və ya həkiminizə müraciət edin.
Doza həddinin aşılması:
Doza həddinin aşılmasının əsas əlamətləri ürəkbulanma , qusma, ishal və ya digər mədə- bağırsaq pozğunluqlarıdır. Əgər Sizdə bu simptomlar meydana çıxarsa, təcili olaraq həkiminizə müraciət edin.
Müalicəsi: ilk növbədə qusma əmələ gətirmək, bundan sonra isə çoxlu miqdarda maye (süd və ya çay) qəbul etmək lazımdır. Mədənin yuyulması preparatın qəbul edilməsindən sonra 1-2 saat ərzində tövsiyə olunur. Ürək-damar sisteminin vəziyyəti üzərində daimi müşahidə aparmaq lazımdır.
Əgər Siz preparatın növbəti dozasını qəbul etməyi unutmusunuzsa, həmin dozanın yerini doldurmaq üçün ikiqat doza qəbul etməyin, çünki bu zaman doza həddinin aşılması riski meydana çıxa bilər.
Saxlanma şəraiti:
30°C-dən aşağı temperaturda, quru və uşaqların əli çatmayan yerdə saxlanmalıdır.
Aptekdən buraxılma şərti:Reseptsiz buraxılır.
Tərkibi:Təsiredici maddə: ambroksol- hidroxlrid (30 mq);
Köməkçi maddələr: laktoza monohidrat (84 mq), mikrokristallik sellüloza, povidon, nişasta, natrium karboksimetilaminopektin, maqnezium- stearat.
Rəylər (0)