İstifadəsinə göstərişlər:

VİQADEKSA steril göz damcısı preparata həssas mikroorqanizmlər tərəfindən göz infeksiyalarının müalicəsi və həmçinin əməliyyatdan sonrakı iltihab və bakterial infeksiyanın profilaktikası məqsədilə istifadə edilir.

Əks göstərişlər:

Təsiredici maddəyə, köməkçi maddələrə və ya digər xinolonlora qarşı hiperhəssaslıq.;

Herpes simplex tərəfindən törədilən keratit;

Buynuz qişa və ya konyuktivanın vaksinasiyası, suçiçəyi və digər virus infeksiyaları.

İstifadə qaydası və dozası:

Yalnız okulyar istifadə üçündür. Damcıtökənin ucluğunun və məhsulun çirklənməsinin qarşısını almaq üçün, flakonun ucluğunun göz qapaqlarına, gözətrafı nahiyələrə və ya digər səthlərə dəyməsinə yol vermək olmaz. 

Əməliyyatdan 1 gün əvvəl başlayaraq və sonrakı 15 gün ərzində əməliyyat olunan gözə gündə 4 dəfə 1 damcı. 

Bu preparata həssas mikroorqanizmlər tərəfindən törədilən göz infeksiyaları:

7 gün ərzində 4 dəfə 1 damcı və ya göstərişə əsasən. 

Doza həddinin aşılması:

Preparatın xarakteristikasını nəzərə alaraq, okulyar istifadədə doz həddinin aşılması və ya bir flakonun tərkibinin qəfildən udulması zamanı toksik təsirlərin olması ehtimal edilmir. 

Əlavə təsirləri:

Psixi pozulmalar: nadir hallarda-yuxusuzluq

Sinir sisteminə: bəzən-disgevziya

Görmə orqanlarına: tez-tez gözlərdə qaşınma, gözlərdə qıcıqlanma. 

Təsiredici maddə: 1 ml məhlulun tərkibində 5 mq moksifloksasinə müvafiq 5,45 mq moksifloksasin hidroxlorid və 1,0 mq deksametazona müvafiq 1,10 mq deksametazon natrium fosfat vardır.

Köməkçi maddələr: bor turşusu, dinatrium edetat dihidrat, xlorid turşusu, təmizlənmiş su, natrium xlorid/natrium hidroksid, sorbitol, tilaksopol.