İstifadəsinə göstərişlər:

Dayaq-hərəkət aparatının kəskin və xroniki iltihabi və iltihabi-degenerativ xəstəliklərin simptomatik müalicəsi;

müxtəlif mənşəli ağrı sindromunun aradan qaldırılması.

Əks göstərişlər:

Dekseketoprofenə və ya digər QSİƏP-ə və ya preparatın tərkibinə daxil olan köməkçi maddələrdən hər hansı birinə qarşı yüksək həssaslıq; 

anamnezdə oxşar təsir mexanizminə malik maddələrin qəbul edilməsilə əlaqədar olaraq əmələ gələn bronxial astma tutmaları, bronxospazm, kəskin rinit, övrə;

mədə-bağırsaq qanaxmaları, digər aktiv qanaxmalar.

İstifadə qaydası və dozası:

Dozalanma rejimi fərdi şəkildə, ağrının növündən və intensivliyindən asılı olaraq müəyyən edilir. Orta tövsiyə olunan birdəfəlik doza gündə 12,5 mq, qəbullar arası interval 4-6 saat olmaqla 1-6 dəfə, və ya 25 mq, qəbullar arası interval 8 saat olmaqla gündə 1-3 dəfə.

Doza həddinin aşılması:

Simptomları: ürəkbulanma, anoreksiya, qarında ağrı, başağrısı, başgicəllənmə, yuxusuzluq.

Müalicəsi: simptomatik müalicə, lazım olduqda - mədənin yuyulması, aktivləşdirilmiş kömür qəbulu.

Əlavə təsirləri:

Ürək-damar sisteminə: nadir - ekstrasistoliya, yüksək arterial təzyiq, çox nadir hallarda taxikardiya, arterial təzyiqin düşməsi.

Hiss orqanlarına: nadir hallarda - qlaqlarda küy, çox nadir hallarda qeyri-aydın görmə;

Həzm sisteminə: tez-tez-ürəkbulanma, qusma; qarında ağrılar, dispepsiya, anoreksiya.

Dermatoloji reakasiyalar: nadir hallarda - övrə, sızanaq səpgiləri, tərləmə, sızanaq səpgiləri.

Ümumi pozğunluqlar: bəzən - hərarət, yorğunluq, əsasən sistem qırmızı qurdeşənəyi və ya birləşdirici toxumanın qarışıq xəstəlikləri olan pasiyentlərdə aseptik meningit, hematoloji pozğunluqlar; nadir hallarda - anafilaktik şok.

Təsiredici maddə: 1 tabletin tərkibində 25 mq deksketoprofen vardır.

Köməkçi maddələr: mikrokristallik sellüloza, qarğıdalı nişastası, natrium nişasta qlikolyatı, qliserin distearat.