İstifadəsinə göstərişlər:

Vefoksan fosfomisinə həssas olan ştammların törətdikləri sidik yollarının kəskin və ağırlaşmamış iltihablarının müalicəsi və profilaktikası üçün istifadə edilir.

Kəskin bakterial sistit, residivləşən sistit, kəskin bakterial interstisial sistit, bakterial qeyri-spesifik uretrit;

Cərrahi əməliyyatdan sonrakı urinar infeksiyalar;

Cərrahiyyədə sidik kisəsi traktının infeksiyalarının profilaktikası və transuretral diaqnostik cərrahi əməliyyatlar zamanı urinar iltihabları.

Əks göstərişləri:

- Fosfomisinə və ya preparatın hər hansı köməkçi maddəsinə qarşı hiperhəssaslıq olduqda;

- Kəskin böyrək çatışmazlığı olan xəstələrə;

- Sidik ifrazında çətinliklər olduqda;

- Hemodializ altında olan xəstələrə;

- 12 yaşdan kiçik uşaqlara istifadəsi əks göstərişdir.

İstifadə qaydası və dozası:

Böyüklər və yeniyetmələr:

Gündə 1 dəfə 1 saşe.

Hamiləlik və laktasiya dövründə istifadəsi:

Bu dərman vasitəsi yalnız mütləq göstəriş olduğu təqdirdə və müalicə həkiminin birbaşa nəzarəti altında hamilə qadınlar və süd verən analar tərəfindən istifadə edilə bilər.

Təsiredici maddələr:

1 saşedə 3,0 q fosfomisin vardır.

Köməkçi maddələr:

şəkər, natrium saxarinat, Acerosil 200, portağal aromatizatoru, narıngi aromatizatoru.