İstifadəsinə göstərişlər:

• Öd kisəsində xolesterin daşları
• Xroniki aktiv hepatit
• Kəskin hepatit
• Qaraciyərin toksik (o cümlədən alkoqol, dərman) zədələnmələri
• Qeyri-alkoqol steatohepatiti
• Birincili biliar sirroz
• Birincili sklerozlaşdırıcı xolangit
• Kistoz fibroz (mukovissidoz)
• Ödqovucu yolların diskineziyaları
• Biliar reflükz-qastrit və reflüks-ezofaqit
• Hamilələrin hepatopatiyaları
• Xroniki opistorxoz

Əks göstərişlər:

• Ödqovucu yolların kəskin iltihabı xəstəlikləri
• Qaraciyərin sirrozu dekompensasiya mərhələsində
• Böyrək funksiyalarının ifadə olunmuş pozğunluqları
• Preparata qarşı yüksək həssaslıq.

İstifadə qaydası və dozası:

Öd daşlarını həll etmək üçün. həmçinin qaraciyərin kəskin və xroniki xəstəliklərinin müalicəsi üçün Ursosan fasiləsiz olaraq, uzun müddət ərzində 10 mq/kq/gün dozada istifadə edilir. xolesterin öd daşlarının həll edilməsi üçün Ursosanın qəbul müddəti 6 aydan 2 ilə qədər təşkil edir. Əgər Ursosanın qəbuluna başlandıqdan sonra 12 ay müddətində öd daşlarının azalması müşahidə edilməzsə, o zaman müalicənin davam etdirilməsi məqsədəuyğun deyildir. Qaraciyərin xroniki xəstəliklərinin müalicəsi zamanı müalicə müddəti bir neçə aydan 2 ilə qədər təşkil edə bilər.

Biliar reflüks-qastritin və reflüks ezofaqitin müalicəsi üçün preparat gündə 1 dəfə yuxudan əvvəl 250 mq dozada təyin edilir. İstifadə müddəti, adətən 10-14 gün təşkil edir.

Adətən preparatın gündəlik dozası axşamlar, birdəfəyə qəbul edilir. Kapsulları bütöv şəkildə kifayət qədər su ilə içməklə qəbul etmək lazımdır.

Təsiredici maddə:

1 kapsulda 250 mq ursodeoksixol turşusu vardır.

Köməkçi maddələr:

Qarğıdalı nişastası, jelatinləşdirilmiş qarğıdalı nişastası, susuz kolloidal silisium dioksid, maqnezium stearat.