İstifadəsinə göstərişlər:

Sidikçıxarıcı yolların və böyrəklərin kəskin və xroniki infeksiyaları; sidikdaşı xəstəliyi və sidikturşulu diurez; xroniki xolesistitlər; öd yollarının diskineziyası; öddaşı xəstəliyi.

Əks göstərişlər:

Preparatın istənilən komponentinə qarşı yüksək həssaslıq;

qastritlər, mədənin və onikibarmaq bağırsağın xora xəstəliyi;

anamnezində qıcolması olan uşaqlar.

İstifadə qaydası və dozası:

Preparat yeməkdən əvvəl daxilə qəbul dilir.

Böyüklər üçün məsləhət görülən doza: sutkada 3 dəfə 8-10 damcı. Böyrək və qaraciyər sancıları zamanı birdəfəlik doza 15-20 damcı təşkil edir. Qəbul müddəti 5-7 gün təşkil edir. Xroniki vəziyyətlərdə 7 gündən 1 ayadək istifadə edilə bilər. 

7-14 yaş uşaqlar üçün məsləhət görülən doza: sutkada 3 dəfə 5-6 damcı.

Doza həddinin aşılması:

Doza həddinin aşılması zamanı aşağıdakı hallar mümkündür:

Ürəkbulanma, qusma, qarın nahiyəsində ağrı, başgicəllənmə.

Müalicəsi: çoxlu ilıq içki, sakitlik, aktivəşdirilmiş kömür, atropin sulfat.

Əlavə təsirləri:

İmmun sistemində baş verən pozğunluqlar: allergik reaksiyalar, qaşınma, sifətin qızarması, dəri səpgisi, övrə, angionevrotik ödem.

Mərkəzi və periferik sinir sistemində baş verən pozğunluqlar: başgicəllənmə, ümumi zəiflik, başağrısı, ataksiya, əzələ tremoru.

Ürək-damar sistemində baş verən pozğunluqlar: arterial hipotenziya, hipertenziya, bradikardiya.

Təsiredici maddə: 1 ml məhlulun tərkibində 67,6 mq ağ şam ağacının yağı, 16,9 mq istiot nanəsinin yağı, 194,35 mq yabanı yerkökü meyvələrinin duru ekstraktı, 278,8 mqmayaotu qozalarının duru ekstraktı, 192,95 mq qaraqınıq otunun duru ekstraktı vardır.
Köməkçi maddələr: dinatrium edetat, gənəgərçək yağı.