İstifadəsinə göstərişlər:

Dərman vasitəsi tobramisinə həssas mikroorqanizmlər tərəfindən törədilən konyunktivit, keratit və buynuz qişasının xorası kimi gözün səthi bakterial infeksiyalarının müalicəsi üçün istifadə olunur. 

Əks göstərişlər:

Dərman vasitəsi tobramisinə, gentamisinə və ya preparatın hər hansı bir komponentinə hiperhəssaslıq olduğu halda istifadə edilmir. 

İstifadə qaydası və dozası:

Adi doza 7-8 gün ərzində hər gözün konyunktiva kisəsinə gündə 2 dəfə 1 damcı təşkil edir. Ağır proses zamanı: instillyasiyanın ilk 4 günü. Sonralar, 7-8 gün davam edən müalicə müddətinin sonuna qədər, gündə 2 dəfə hər gözün konyunktiva kisəsinə 1 damcı damızdırılır. 

Doza həddinin aşılması:

Simptomları: nöqtəvi keratit, eritema, gözlərin yaşarması, göz qapaqlarının qaşınması və ödemi. 

Əlavə təsirləri:

Tez-tez: gözlərin qaşınması, hiperemiyası, yaşarması.

Nadir: gözlərdə allergik reaksiyalar, gözlərdə diskomfort, konyunktivanın ödemi, göz qapaqlarının ödemi, göz qapaqlarının eriteması. 

Təsiredici maddə: 1 ml məhlulun tərkibində 3 mq tobramisin vardır. 

Köməkçi maddələr: benzalkonium xlorid, susuz natrium sulfat, bor turşusu, natrium xlorid, tiloksapol, sulfat turşusu və ya natrium hidroksid, təmizlənmiş su.