İstifadəsinə göstərişlər:

Bronxospazm ilə müşayiət olunan öskürəyin simptomatik müalicəsi: traxeobronxit, obstruktiv bronxit, bronxial astma.

Bəlğəmin sekresiyasının və onun xaric olunmasının pozulması ilə müşayiət olunan tənəffüs yollarının kəskin və xroniki xəstəliklərinin müalicəsi: ağciyərlərin xroniki obstruktiv xəstəliyi, pnevmoniya, ağciyər emfizeması, bronxoektaziya, ağciyər vərəmi, pnevmokonioz, sinusit. 

Əks göstərişlər:

Ambroksola, bromheksinə və ya preparatın digər komponentlərindən hər hansı birinə qarşı yüksək həssaslıq. 

İstifadə qaydası və dozası:

Terbrofen şərbət yeməkdən 30 dəqiqə sonra daxilə qəbul edilir. 

Həkim tərəfindən başqa cür təyin edilməyibsə aşağıdakı dozalarda istifadə edin. 

0-6 yaş arası uşaqlar: 5-10 ml gündə 2-3 dəfə.

2 yaşa qədər uşaqlarda istifadəsi yalnız həkim təyinatı və nəzarəti ilə mümkündür. 

6-12 yaş arası uşaqlar: 10 ml gündə 3 dəfə. 

12 yaşdan yuxarı uşaqlar və böyüklər: 10-20 ml gündə 3 dəfə. 

Doza həddinin aşılması:

Simptomları: ürəkbulanma, mədə-bağırsaq diskomfortu, baş ağrısı, narahatlıq.

Müalicəsi: mədənin yuyulması, aktivləşdirilmiş kömürün qəbulu. 

Əlavə təsirləri:

İmmun sisteminə: allergik reaksiyalar, qızdırma.

Dəri və dərialtı toxumaya: övrə.

Sinir sisteminə: başgicəllənmə, baş ağrısı, əsəbilik, tremor, yuxululuq. 

Təsiredici maddələr: TERBUTALİNE SULFATE GUAİFENESİN:

5 ml şərbətin tərkibində 15 mq ambraksol hidroxlorid, 1,25 mq terbutalin sulfat, 50 mq qvayfenezin vardır. 

Köməkçi maddələr:

Levomentol, natrium sitrat, susuz limon turşusu, natrium benzoat, makroqol, aspartam sukraloza, propilenqlikol, hipromelloza, Ponso 4R boya maddəsi, çiyələk aromatizatoru, təmizlənmiş su.