İstifadəsinə göstərişlər:

Tansifa Plyus arterial hipertenziyanın müalicəsində istifadə olunur.

Tansifa Plyus qan təzyiqinə tək kandesartan və ya amlodipin, yaxud kandesartan/amlodipin kombinasiyası ilə kifayət qədər nəzarət olunmayan xəstələrdə istifadə olunur.

Əks göstərişlər:

Kandesartan sileksetil, amlodipin və ya digər dihidropiridin törəmələrinə, hidroxlorotiazidə yaxud hər hansı köməkçi maddəyə qarşı hiperhəssaslıq;

Tərkibində sulfonamid törəmələri olan dərmanlara qarşı allergiya;

Hamiləlik və laktasiya;

Ağır qaraciyər çatışmazlığı və ya xolestaz;

Ağır böyrək çatışmazlığı;

Podaqra;

Refrakter hipokaliemiya;

Refrakter hiperkalsiemiya;

18 yaşdan aşağı uşaqlar;

Şəkərli diabet və ya böyrək çatışmazlığı olan xəstələrdə aliskiren tərkibli dərman vasitələri ilə yanaşı istifadə;

Ağır hipotenziya;

Şok;

Sol mədəciyin çıxış yolunun obstruksiyası;

Kəskin miokard infarktından sonra hemodinamik cəhətdən qeyri-stabil ürək çatışmazlığı;

Anuriya.

İstifadə qaydası və dozası:

Tövsiyə olunan doza gündə 1 tablet təşkil edir.

Tansifa Plyus gündə bir dəfə qida ilə birgə və ya qidasız qəbul edilir. Qida Tansifa Plyus preparatının biomənimsənilməsinə təsir göstərmir.

Yaşlı xəstələrdə başlanğıc dozanın tənzimlənməsinə ehtiyac yoxdur. Yaşlılarda normal doza rejimi tövsiyə olunur, lakin dozanın artırılması ehtiyatla aparılmalıdır. Qan təzyiqinə nəzarət olunmalıdır. Tansifa Plyus 75 yaşdan yuxarı xəstələrdə çox diqqətlə istifadə olunmalıdır. 

Kandesartanın antihipertenziv təsiri qaradərili xəstələrdə qaradərili olmayan xəstələrə nisbətən daha az nəzərə çarpır. Bu səbəbdən qan təzyiqini nəzarətdə saxlamaq üçün qaradərili xəstələrdə Tansifa Plyus preparatının dozasının artırılmasına və ya yanaşı müalicəyə daha çox ehtiyac ola bilər.

Təsiredici maddələr:

1 tabletin tərkibində 16 mq kandesartan sileksetil, 5 mq amlodipin, 12,5 mq hidroxlorotiazid var.

Köməkçi maddələr:

qarğıdalı nişastası, laktoza monohidrat, hidroksipropilsellüloza L, polietilenqlikol 6000, kalsium karboksimetilsellüloza, sarı dəmir oksidi, maqnezium stearat, ikiasaslı kalsium fosfat dihidrat, mikrokristallik sellüloza PH 102, natrium nişasta qlikolyat.