İstifadəsinə göstərişlər:

Birincili və ikincili osteoartroz, osteoxondroz, spondiloartroz.

Əks göstərişlər:

Qlükozaminə, lidokainə və preparatın digər komponentlərindən hər hansı birinə qarşı hiperhəssaslıq. 

Tərkibində lidokain olması səbəbindən: ürək keçiriciliyinin pozulması, kəskin ürək çatışmazlığı, anamnezdə epileptiform qıcolmalar, böyrək və qaraciyər funksiyasının ağır xroniki pozğunluqları; hamiləlik və laktasiya dövrü, uşaqlar və 18 yaşına qədər yeniyetmələr. 

İstifadə qaydası və dozası:

Yalnız əzələdaxili istifadə üçündür! Preparatı venadaxili istifadə etmək olmaz. 

Yeridilmədən bilavasitə öncə ampul A və ampul B tərkibləri eyni şprisdə qarışdırılır. Hazır məhlul həftədə 3 dəfə olmaqla 4-6 dəfə ərzində əzələdaxili yeridilir. 

Doza həddinin aşılması:

Doza həddinin aşılması halları müşahidə edilməyib. 

Əlavə təsirləri:

Həzm sisteminə: meteorizm, diareya, qəbizlik.

Allergik reaksiyalar: məxmərək, qaşınma. 

Yerli reaksiyalar: yüngül qaşınma. 

Ampul A

Təsiredici maddə: QLÜKOZAMİN: Qlükozamin sulfat natrium xlorid - 502,5 mq.

Köməkçi maddə: lidokain hidroxlorid, natrium disulfit, qatılaşdırılmış xlorid turşusu, inyeksiya üçün su. 

Ampul B (həlledici) 

Dietanolamin, inyeksiya üçün su.