İSTİFADƏSİNƏ GÖSTƏRİŞLƏR:

Spitomin preparatı həyəcan hissi ilə müşayiət olunan vəziyyətləri və depressiv pozğunluqların müalicəsində müxtəlif dərman vasitələri ilə kombinasiyada istifadə edilir.

ƏKS GÖSTƏRİŞLƏR:

- epilepsiya;

- ağır böyrək patologiyası;

- ağır qaraciyər xəstəliyi;

- uşaqlar və 18 yaşa qədər yeniyetmələr bu yaş qrupu üçün preparatın təhlükəsizliyi və effektivliyi barədə məlumat yoxdur.

İSTİFADƏ QAYDASI VƏ DOZASI:

Böyüklər və yaşlı pasiyentlər: sutkada 2-3 dəfə bir 5 mq-lıq tablet. Tövsiyə edilən sutkalıq doza - bir neçə qəbula bölünən 15-30 mq-dır. Maksimal sutkalıq doza - bir neçə qəbula bölünən 60 mq-dır. Daxilə yeməkdən əvvəl və ya yeməkdən sonra, günün eyni vaxtında qəbul edilir ki, bu da preparatın konsentrasiyasının qanda sutka ərzində sabit qalmasını təmin edir.

ƏLAVƏ TƏSİRLƏR:

- ürəkgetmə tutması;

- qaşınan dəri səpgiləri;

- başgicəllənmə, başağrısı, yuxuyameyillik;

- əsəb gərginliyi, yuxusuzluq, diqqətsizlik, depressiya, yuxunun pozulması.

DOZA HƏDDİNİN AŞILMASI:

Ürəkbulanma, qusma, başgicəllənmə, yuxuya meyillik, qulaqlarda küy, təzyiqin aşağı düşməsi, nitqin pozulması, əl-ayaqlarda sıxıntı, əl və barmaqların əsməsi, qıcolma tutmaları, mədə-bağırsaq pozğunluqları.

Təsiredici maddə:

1 tabletin tərkibində 10 mq buspiron hidroxlorid vardır.

Köməkçi maddələr:

Laktoza monohidrat, monokristallik selülloza, natrium karboksimetilnişasta, maqnezium stearat və susuz kolloidal silisium dioksid.