İstifadəsinə göstərişlər:

MBS-i pozğunluqlar: qusma, mədə xorası, oniki-barmaq bağırsaq xorası, diafraqmal yırtıq, qida borusu spazmı, yoğun bağırsağın qıcıqlanması, həmçinin. kəskin və spastik iltihabı.

Mədədə aparılmış cərrahi əməliyyatlardan sonra mədənin hərəki fəaliyyətinin pozulması.

Ginekoloji pozğunluqlar: ağrılı menstruasiya, çanaq nahiyəsində ağrı və spazmlar, həmçinin doğuşdan sonrakı spazmlar.

Əks göstərişlər:

Dərmanın komponentlərindən hər hansı birinə qarşı yüksək həssaslıq; anamnezdə qaraciyər patologiyası olarsa; xəstədə fiziki gərginlikdən və ya anesteziyadan sonra hipertermiya; 12 yaşa kimi uşaqlar; hamiləlik və laktasiya dövrü.

İstifadə qaydası və dozası:

Preparat yemək zamanı maye ilə birlikdə qəbul edilir.

Böyüklərə: standart dozada: 6 həftə ərzində gündə 2 dəfə 1 kapsul təyin edilir. Ağır hallarda və ya preparata qarşı dözümlülük olarsa, gündə 3 dəfə bir kapsul təyin edilə bilər.

Yaşlı şəxslərdə: standart dozadan yüksək dozada təyin edilməməlidir.

Uşaqlara: 12-18 yaş: standart doza təyin edilir. 12 yaşdan kiçik uşaqlara isə preparatın təyin edilməsi məsləhət görülmür.

Təsiredici maddə:

Hər kapsulda 200 mq fenoverin vardır.

Köməkçi maddələr:

Kroskarmelloza natrium, qarğıdalı nişastası, laktoza monohidrat, kolloidal silisium dioksid. laurilsulfat natrium, maqnezium-stearat.