İstifadəsinə göstərişlər:

Siofor XR preparatı qanda qlükozanın səviyyəsinə nəzarət etmək üçün yalnız pəhriz və fiziki hərəkətlərin kifayət etmədəyi pasiyentlərdə tip 2 şəkərli diabetin müalicəsi üçün istifadə edilir.

Əks göstərişlər:

Metforminə və ya bu dərman preparatının hər hansı digər komponentlərinə ( " Tərkibi" bölməsində sadalanmışdır) qarşı allergiya olduqda. Allergik reaksiya səpgi, qaşınma və ya nəfəs darlığına səbəb ola bilər.

Əgər sizdə qaraciyər xəstəlikləri varsa.

Əgər sizdə böyrək funksiyalarının ağır dərəcəli pozulmaları varsa.

Əgər sizdə  dekompensasiya olunmuş şəkərli diabet, məsələn, ağır hiperqlikemiya, ürəkbulanma, qusma, ishal, sürətli çəki itkisi, laktoasidoz və ya ketoasidoz vardırsa.

Əgər sizdə ağır infeksiyalar, məsələn, ağciyərlərin, tənəffüs yollarının və ya böyrəklərin infeksiyaları vardırsa.

Əgər sizdə kəskin ürək çatışmazlığına görə müalicə qəbul edirsinizsə və ya bu yaxınlarda infarkt keçirmisinizsə, habelə qan dövranının ağır  pozuntuları və ya tənəffüsün çətinləşməsi mövcuddursa.

Əgər siz həddən artıq spirtli içki qəbul edirsinizsə.

Əgər yaşınız 18-dən azdırsa.

İstifadə qaydası və dozası:

Bu preparatı hər zaman müalicə həkiminizin tövsiyələrinə dəqiq uyğun şəkildə qəbul edin.

Əgər sizdə şübhələr vardırsa, müalicə həkiminiz və ya əczaçı ilə məsləhətləşin.

Təsiredici maddələr:

1 tabletin tərkibində 500 mq metformin hidroxlorid vardır.

Köməkçi maddələr:

Maqnezium stearat, natrium karmelloza, susuz kolloidal silisium dioksid, hipromelloza, təmizlənmiş su.