İstifadəsinə göstərişlər:

Meteorizmlə müşaiyət olunan funksional bağırsaq xəstəliklərinin simptomatik müalicəsi.

Əks göstərişlər:

Preparatın istənilən komponentinə qarşı yüksək həssaslıq.

Bağırsaq keçməzliyi.

Hamiləlik və laktasiya.

Uşaqlar və 18 yaşa qədər yeniyetmələr.

İstifadə qaydası və dozası:

Kapsullar bütövlükdə, kifayət qədər su içməklə daxilə qəbul edilir. 

Preparat 3-4 həftə ərzində sutkada 2-3 dəfə yeməkdən əvvəl 1 kapsul təyin edilir. Həkim nəzarəti olmadan müalicənin müddəti 7 gündən artıq olmamalıdır. 

Doza həddinin aşılması:

Alverinin doza həddinin aşılması hipotenziyaya və atropinəbənzər toksik effektlərə səbəb ola bilər. 

Müalicəsi

Simptomatikdir. 

Əlavə təsirləri:

Sinir sistemində baş verən pozğunluqlar: nadir hallarda-ürəkbulanma, qəbizlik. 

İmmun sistemində baş verən pozğunluqlar: nadir hallarda-səpgi, qaşınma, üzün dilin, qırtlağın ödemi, tənəffüsün pozulması. 

Təsiredici maddə: 1 kapsulda 60 mq alverin sitrat, 300 mq simetikon vardır. 

Köməkçi maddələr: Jelatin, qliserin, titan dioksid.