Qriphotun köpüklənən qranulları, təkdozalı paketlərdə. 12 paket içlik vərəqə ilə birlikdə karton qutuya qablaşdırılır.
İstifadəsinə göstərişlər:
Zökəm
Qrip
Soyuqdəymə
Rinitlər ( mövsümi və ilboyu davam edən allergik rinitlər, qeyri-allergik, eozinofil qeyri-allergik rinitlər, vazomotor rinit)
Yuxarı tənəffüs yollarının faringit, sinusit, bronxit və laringit kimi infeksiyalarında simptomatik müalicə üçün.
Əks göstərişlər:
Preparatın tərkibində olan inqrediyentlərin hər hansı birinə qarşı yüksək həssaslıq zamanı, qaraciyər, böyrək və ürəyin ağır pozğunluqları olan xəstələrdə məsləhət deyil.
Xlorfeniramin 6 yaşdan kiçik olan uşaqlarda mərkəzi sinir sisteminə qarşı paradoksal
stimulyasiya törədə bilər. Fenilefrin - ağır hipertenziyası və ventrikulyar taxikardiyası olan xəstələrdə əks göstərişdir.
Prostat vəzinin hiperplaziyası, ağır qlaukoma, kəskin astma, hipertireoz, ağır hipertenziya, ürək aritmiyaları və serebrovaskulyar pozğunluqları olan xəstələrə təyin olunmamalıdır.
Oksalamin-sitrat uşaqlarda hallüsinasiya, ürəkbulanma və qusma törədə bilər.
Preparatı МАО inhibitorları ilə eyni vaxtda və bu preparatların istifadəsinin dayandırılmasından 3 həftədən tez olmayaraq təyin etmək məsləhət deyil.
İstifadə qaydası və dozası:
Bir paketdə olan qranulları 2/3 stəkan qaynar suda həll etmək, qarışdırmaq və isti halda qəbul etmək lazımdır.
Qriphot 6 saat fasilə ilə, maksimum gündə 4 dəfə qəbul olunur.
Doza həddinin aşılması:
Artıq doza qəbul etdikdə qusma refleksi törətmək və tezliklə mədəni yumaq lazımdır.
Maqnezium-hidroksid istifadə etmək məsləhətdir. Simptomların ağırlığına görə simptomatik müalicə təyin olunur (venadaxili məhlullar və oksigen). Hipotoniya zamanı adrenalin istisna olmaqla vazopressor preparatlar təyin etmək olar, çünki bu zaman təzyiq dahada enə bilər. Analeptiklər təyin olunmamalıdır, çünki konvulsiyaya səbəb ola bilər. Peroral N-asetilsistein parasetamolun spesifik antidotudur.
Saxlanma şəraiti:
25°C-dən yüksək olmayan temperaturda, uşaqların əli çatmayan yerdə və öz qutusunda saxlanılmalıdır.
Aptekdən buraxılma şərti :
Reseptsiz buraxılır.
Təsiredici maddələr: Hər paketdə 500 mq parasetamol, 10 mq fenilefrin-hidroxlorid, 100 mq oksalamin-sitrat, 2 mq xlorfeniramin-maleat mövcuddur .
Köməkçi maddələr: tartrat turşusu, limon turşusu, natrium-hidrokarbonat, xinolin sarısı, limon aromatizatoru, Kollidin K-30, saxarin, şəkər.
Rəylər (0)