İstifadəsinə göstərişlər:

Qıcqırma, dispepsiya və mədə şirəsinin hipersekresiyası ilə əlaqəli şikayətlərin tez və uzunmüddətli simptomatik müalicəsində istifadə olunur.

Əks göstərişlər:

Dərman vasitəsinin tərkibindəki təsiredici maddəyə və ya  köməkçi maddələrdən hər hansı birinə qarşı yüksək həssaslıq.

Orta və ya ağır dərəcəli böyrək çatışmazlığı olan xəstələr.

Ağır qaraciyər çatışmazlığı olan xəstələr.

İstifadə qaydası və dozası:

Böyüklər və 16 yaşdan böyük uşaqlar

Simptomları aradan qaldırmaq məqsədilə 1 tableti çeynəmək lazımdır. 24 saat ərzində ikidən çox tablet istifadə edilməməlidir.

Bu dərman vasitəsilə müalicə zamanı simptomlar təkrarlanırsa, həkimə müraciət etmək lazımdır.

Davamlı istifadə üçün maksimum müalicə müddəti 6 gündür.

Həkim və ya əczaçı ilə məsləhətləşmədən ikinci qutu alınmamalıdır.

Oral istifadə üçün nəzərdə tutulub və tabletlər çeynənərək qəbul edilir.

Təsiredici maddələr:

1 tabletin tərkibində 10 mq famotidin, 800mq kalsium karbonat, 165 mq maqnezium hidroksid vardır.

Köməkçi maddələr:

hipromelloza, laktoza monohidrat, sukraloza, sellüloza asetat, hidroksipropilsellüloza, maqnezium stearat, mannitol, kroskarmelloza natrium, nanə ətirləndiricisi.