İSTİFADƏSİNƏ GÖSTƏRİŞLƏR:

- psixosomatik xəstəliklər, o cümlədən mədə və 12-barmaq bağırsağın xora xəstəliyi, MBT-nın stress xoraları, medikamentoz xoralar, simptomatik xoralar, qeyri-spesifik xoralı kolit və yoğun bağırsağın qıcıqlanma sendromu

- disforik pozğunluqlar

- müxtəlif etiologiyalı depressiyalar, o cümlədən reaktiv depressiyalar

- nevrozlar

- müxtəlif etiologiyalı kəskin və xroniki psixotik pozğunluqlar

- miqren

- müxtəlif etiologiyalı başgicəllənmə

- uşaqlarda-psixozlar, davranış reaksiyalarının pozulmaları.

ƏKS GÖSTƏRİŞLƏR:

- alkoqolla, yuxugətirici vasitələrlə və analgetiklərlə kəskin zəhərlənmə

- sulpiridə qarşı yüksək həssaslıq

- hipertoniya xəstəliyinin 2-3-cü mərhələsi

- feoxromositoma

- psixomotor oyanıqlıq

- kəskin porfiriya

- sümük iliyinin supressiyası

İSTİFADƏ QAYDASI VƏ DOZASI:

Oyanıqlığın yüksək səviyyəsi ilə əlaqədar preparatı günün ikinci yarısında ( saat 16-dan sonra ) istifadə etmək məsləhət görülmür.

Psixosomatik pozğunluqlar, o cümlədən mədə və 12-barmaq bağırsağın xora xəstəliyi, MBT-nın stress xoraları, medikamentoz xoralar, simptomatik xoralar, qeyri spesifik xoralı kolit və yoğun bağırsağın qıcıqlanma sindromu:

4-6 həftə ərzində sutkada 1 ya 2 qəbula 100-300 mq.

Nevrozlar: sutkada 100-400 mq 2-3 qəbul üçün.

Depressiyalar: sutkada 150-300 mq, bir neçə qəbul üçün bölünmüş: maksimal doza-sutkada 600 mq.

Yaşlı xəstələr üçün: başlanğıc doza-böyüklər üçün göstərilən dozanın 1/4-1/2-i.

Uşaqlar üçün: orta sutkalıq doza 5mq\kq bədən kütləsinə hesabı təyin edilir.

DOZA HƏDDİNİN AŞILMASI:

Simptomları: diskineziyalar ( çeynəmə əzələlərinin spazmı, spastik əyriboyunluq ), ekstrapiramid pozğunluqlar, tək-tək hallarda-koma.

Müalicəsi: simptomatik müalicə aparılır, mərkəzi təsirli xolinoblokatorlar təyin edilir.

Təsiredici maddə: hər tabletin tərkibində 50 mq və 200 mq sulpirid vardır.

Köməkçi maddələr: kartof nişastası, laktoza monohidrat, kolloidal silisium 4-oksid, metilhidroksipropilsellüloza K4M, metilhidroksipropilsellüloza K15M, maqnezium-stearat, talk.