İstifadəsinə göstərişlər:

Sinir sisteminin müxtəlifmənşəli xəstəliklərinin və sindromlarının kompleks terapiyasının tərkibində patogenetik və simptomatik vasitə kimi:

• Polineyropatiya (o cümlədən, diabetik, alkoqol və s.);
• Nevrit və polinevrit, o cümlədən, retrobulbar nevrit;
• Periferik parezlər, o cümlədən, üz sinirinin;
• Nevralgiya, o cümlədən, üçlü və qabırğalararası sinirlərin nevralgiyası;
• Ağrı sindromu (kökçük, mialgiya, kəmərvari herpes)
• B1 və B6, eləcə də, B12 vitaminlərinin sübut olunmuş çatışmazlığı ilə əlaqədar sistem nevroloji xəstəliklər.

Əks göstərişlər:

• Preparatın istənilən komponentinə qarşı yüksək həssaslıq;
• Dekompensə olunmuş ürək çatışmazlığı;
• Bədxassəli şişlər;
• Hamiləlik və laktasiya dövrü;
• 12 yaşa qədər uşaqlar;

İstifadə qaydası və dozası:

Preparat əzələdaxilinə, dərinə yeridilir. Ağır hallarda və kəskin ağrılar zamanı gündə 1 dəfə 2 ml; kəskinləşmə aradan qaldırıldıqdan sonra, eləcə də xəstəliyin yüngül formalarında həftədə 2-3 dəfə 2 ml təyin edilir.

Müalicənin müddəti xəstəliyin ağırlığından asılı olaraq müəyyən edilir.

Pediatriyada istifadəsi:

Uşaqlarda və yeniyetmələrdə preparatın istifadəsinin təhlükəsizliyi barədə kifayət qədər məlumat yoxdur. Preparat 12 yaşa qədər uşaqlara əks göstərişdir.

Təsiredici maddələr:

1 ampulada 100 mq tiamin hidroxlorid (B1 vitamini), 100 mq pridoksin hidroxlorid (B6 vitamini), 1 mq sianokobalamin (B12 vitamini), 20 mq lidokain hidroxlorid vardır.

Köməkçi maddələr:

Benzil spirti, kalium heksasianoferrat (lll), natrium heksametafosfat, natrium hidroksid, inyeksiya üçün su.