İstifadəsinə göstərişlər:

- Candida albicans tərəfindən törədilən vaginal kandidoz;

- anaerob bakteriyalar və Gardnerella vaginalis tərəfindən törədilən bakterial vaginit. 

Əks göstərişlər:

-hamiləliyin ilk 3 ayı ərzində;

- porfiriya;

- epilepsiya;

- qaraciyər funksiyalarının ağır pozğunluğu;

- preparatın komponentlərinə qarşı yüksək həssaslıq;

- müalicə dövründə və ya bitkidən sonra alkoqol istifadə edən pasiyentlər;

- müalicə dövründə və ya son 2 həftə ərzində disulfiram qəbul edən pasiyentlər.

İstifadə qaydası və dozası:

Əgər həkim tərəfindən başqa təyinat verilməmişdirsə, 7 gün ərzində 1 vaginal tablet axşam yatmazdan əvvəl vaginaya dərinə yeridilir. 

Doza həddinin aşılması:

Simptomları ürəkbulanma, qusma, qarında ağrı, ishal, qaşınma, ağızda metal dadı, ataksiya, paresteziya. 

Əlavə təsirləri:

Nadir hallarda yüksək həssaslıq reaksiyaları və qarın nahiyəsində ağrı, baş ağrısı, vaginal qaşınma, göynəmə və qıcıqlanma kimi əlavə təsirlər müşahidə oluna bilər. 

Təsiredici maddə: METRONİDAZOL, MİKONAZOL NİTRAT, LİDOKAİN HİDROXLORİD.  1 vaginal tabletin tərkibində 750 mq metronidazol, 200 mq mikonazol nitrat, 100 mq lidokain hidroxlorid vardır. 

Köməkçi maddələr: mikrokristallik sellüloza, alüminium, maqnezium silikat, natrium nişasta qlikolatı, mannitol/krospovidon/polivinil asetat, susuz kolloidal silisium dioksid, qarğıdalı nişastası, maqnezium stearat.