İstifadəsinə göstərişlər:

-Əsasən gövdənin zədələnməsi ilə müşaiyət olunan kəllə beyin travmalarının kəskin dövrü;

-degenerativ və involyusion psixoorqanik sindromlar;

-birincili və ikincili mnestik funksiyaların pozulması ilə gedən, özünü yaddaşın pozulması, şüurun qaranlıqlaşması, dezoriyentasiya, motivasiyanın, təşəbbüsün və diqqətin  zəifləməsi ilə biruzə verən serebrovaskulyar çatışmazlıq; 

-multiinfarkt demensiya.

Əks göstərişlər:

Preparatın istənilən komponentinə qarşı yüksək həssaslıq;

hamiləlik və laktasiya dövrü.

İstifadə qaydası və dozası:

Əzələ daxilinə və vena daxilinə yeritmək üçün təyin olunur.

Kəskin vəziyyətlərdə əzələ daxilinə sutkada 1 q yaxud vena daxilinə sutkada 1-3 q təyin edilir. Vena daxilinə yeritdikdə 1 ampulun möhtəviyyatı 50 ml fizioloji məhlulda durulaşdırılır; infuziyanın sürəti dəqiqədə 60-80 damcı olmalıdır. Müalicə müddəti adətən 10 gündür, lakin lazım gəldikdə müalicə müsbət dinamika əldə edilənə qədər davam etdirilə bilər.

Doza həddinin aşılması:

Doza həddi aşıldıqda ürəkbulanma baş verir və bu əlaməti aradan qaldırmaq üçün doza aşağı salınır yaxud müalicə dayandırılır.

Əlavə təsirləri:

Ürəkbulanma;

Allergik reaksiyalar;

Adətən, preparatın uzunmüddətli istifadəsi yüngül keçirilir.

Təsiredici maddə:

1 ampulda 1000 mq xolin alfosserat vardır.

Köməkçi maddələr:

İnyeksiya üçün su.