İstifadəsinə göstərişlər:

Lioton 1000 gel preparatı istifadə olunur:

- səthi venaların xəstəliklərinin simptomatik müalicəsi;

- operativ müdaxilə nəticəsində zədələnmiş damar divarının iltihabının müalicəsi;

- venalar üzərində aparılan cərrahi əməliyyatlardan sonra meydana çıxan vəziyyətlərin şiddətini azaltmaq üçün. 

Əks göstərişlər:

Heparinin natrium duzuna və ya preparatın tərkibində olan hər hansı komponentə qarşı allergiya olduqda preparatı istifadə etmək olmaz. 

İstifadə qaydası və dozası:

Geli zədələnmiş nahiyənin üzərinə sutkada bir dəfədən üç dəfəyə qədər çəkmək və masaj hərəkətləri ilə sürtmək lazımdır. Tubikdən 3-10 santimetr gel zolağı sıxmaq tövsiyə olunur. 

Doza həddinin aşılması:

Məlumat yoxdur.

Əlavə təsirləri:

Hər hansı əlavə təsir meydana çıxdıqda, həkimə və ya əczaçıya müraciət etmək lazımdır. 

Təsiredici maddə: HEPARİN SODİUM  1 q gelin tərkibində 1000 BV heparin natrium duzu vardır.

Köməkçi maddələr: etanol, karbomer, trolamin, metilparahidroksibenzoat, propilparahidroksibenzoat, portağal çiçəklərinin yağı, lavanda yağı, təmizlənmiş su.