İstifadəsinə göstərişlər:  

• Lor orqanların infeksiyası: kəskin sinusit;
• aşağı tənəffüs yollarının infeksiyası: xroniki bronxitin kəskinləşməsi, xəstəxanadan-kənar pnevmoniya;
• pielonefrit daxil olmaqla, böyrəklərin və sidikçıxarıcı yolların ağırlaşmış infeksiyaları;
• sidikçıxarıcı yolların ağırlaşmamış infeksiyaları;
• xroniki prostatit;
• dərinin və yumşaq toxumanın infeksiyası;
• yuxarıda qeyd edilən göstərişlərlə əlaqədar septisemiya/bakteriemiya.

Əks göstərişlər:

• Preparatın komponentlərinə və ya digər xinolonlara qarşı yüksək həssaslıq;
• epilepsiya;
• anamnezdə xinolonların istifadəsi ilə bağlı vətərlərin zədələnməsi;
• hamiləlik və laktasiya dövrü;
• uşaqlar və 18 yaşa qədər yeniyetmələr; 

İstifadə qaydası və dozası: 

Levoksimed qida qəbulundan asılı olmayaraq, sutkada 1-2 dəfə daxilə, çeynəmədən və kifayət qədər maye ilə qəbul edilir.

Dozalar infeksiyanın ağırlığı və xarakterilə, eləcə də ehtimal edilən törədicinin həssaslığı ilə müəyyən edilir.

Kəskin sinusit: sutkada 1 dəfə 500 mq, müalicə kursu 10-14 gündür;

Xroniki bronxitin kəskinləşməsi: sutkada 1 dəfə 500 mq, müalicə kursu 7 gündür;

Xəstəxanadankənar pnevmoniya: sutkada 1 dəfə 500 mq, müalicə kursu 7-14 gündür;

Sidikçıxarıcı yolların ağırlaşmış infeksiyaları və kəskin pielonefrit: sutkada 1 dəfə 250 mq , müalicə kursu 10 gündür;

Sidikçıxarıcı yolların ağırlaşmamış infeksiyaları: sutkada 1 dəfə 250 mq, mülaicə müddəti 3 gündür;

Xroniki prostatit: sutkada 1 dəfə 500 mq, müalicə kursu 28 gündür;

Dəri və yumşaq toxumaların ağırlaşmayan infeksiyaları: sutkada 1 dəfə 500 mq, müalicə kursu 7-10 gündür.

Təsiredici maddə: 1 tabletin tərkibində 500 mq levofloksasin (levofloksasin yarımhidrat formasında) vardır.

Köməkçi maddələr: mikrokristallik sellüloza, krospovidon, hidroksipropilmetilsellüloza, maqnezium stearat, susuz kolloidal silisium dioksid.

Örtük: sarı opadri II 85g32281 (polivinil spirti, talk, titan dioksid, polietilenqlikol, lesitin, sarı dəmir oksidi, qırmızı dəmir oksid)