İSTİFADƏSİNƏ GÖSTƏRİŞLƏR :

Tənəffüs yollarının qatı bəlğəmin ifrazı ilə müşayiət olunan kəskin və xroniki xəstəlikləri : kəskin və xroniki bronxit, pnevmoniya, ağciyərin xroniki obstruktiv xəstəliyi, bəlğəm ifrazının çətinləşməsi ilə müşayiət olunan bronxial astma, bronxoektatik xəstəlik.

ƏKS GÖSTƏRİŞLƏR :

Ambroksola və preparatın digər komponentlərinə qarşı yüksək həssaslıq, hamiləlik laktasiya dövrü. Lazolvan şərbətinin maksimal tövsiyə edilən gündəlik dozasının tərkibində 10,5 q sorbitol vardır. Fruktozaya qarşı nadir irsi dözümsüzlüyü olan pasiyentlər bu preparatı qəbul etməməlidir.

İSTİFADƏ QAYDASI VƏ DOZALAMA :

Daxilə qəbul edilir.

Böyüklərə və 12 yaşdan yuxarı uşaqlara : gündə 3 dəfə 10 ml ;

6-12 yaşlı uşaqlara : gündə 2-3 dəfə 5 ml ;

2-6 yaşlı uşaqlara : gündə 3 dəfə 2.5 ml ;

2 yaşa qədər uşaqlara : gündə 2 dəfə 2,5 ml .

Lazolvan şərbəti qida qəbulundan asılı olmayaraq istifadə oluna bilər. Preparatın qəbulundan sonra 4-5 gün müddətində simptomlar saxlanıldığı halda həkimə müraciət etmək lazımdır.

ƏLAVƏ TƏSİRLƏRİ :

Mədə-bağırsaq traktında baş verən pozğunluqlar, ağızda quruluq hissi, immun sistemində baş verən pozğunluqlar, dəri və dərialtı toxumaların zədələnməsi, sinir sistemində baş verən pozğunluqlar.

DOZA HƏDDİNİN AŞILMASI:

İnsanlarda doza həddinin aşılmasının səcciyəvi simptomları qeydə alınmamışdır. Doza həddinin təsadüfi aşılması və ya tibbi səhv nəticəsində LAZOLVAN  preparatının məlum olan əlavə təsirlərinin simptomları qeydə alınmışdır : ürək bulanma, dispepsiya, ishal, qusma, abdominal ağrı. Həmin hallarda simptomatik müalicənin aparılması tələb oluna bilər.

Müalicə : preparatın qəbulundan sonra ilk 1-2 saat müddətində süni qusmanın yaradılması, mədənin yuyulması; simptomatik müalicə.

TƏSİREDİCİ MADDƏ :

5 ml şərbətin tərkibində 15 mq ambroksol hidroxlorid vardır.

KÖMƏKÇİ MADDƏLƏR :

Benzoy turşusu, hiyetelloza, kalium asesulfat, duru sorbitol, qliserin 85%, meşə giləmeyvə aromatizatoru, təmizlənmiş su.