İstifadəsinə göstərişlər:

Candida albicans törətdiyi vulvovaginit;

Gardnerella vaginalis və anerob bakteriyaların törətdiyi bakterial vaginoz;

Trichomonas vaginalis törətdiyi trixomonad vaginit;

qarışıq vaginal infeksiyalar. 

Əks göstərişlər:

Preparatın komponentlərinə qarşı və ya digər imidazol törəmələrinə qarşı yüksək həssaslıq;

Müalicə zamanı və ya müalicənin qurtarmasından sonra 3 gün ərzində alkoqol istifadəsi;

Müalicə zamanı və ya müalicəyə qədər 2 həftə ərzində disulfiram qəbulu;

Qaraciyar funksiyasının ağır pozulmaları;

Epilepsiya;

Porfiriya;

Hamiləliyin birinci trimestri.

İstifadə qaydası və dozası:

Preparat intravaginal istifadə olunur, gecə 1 şam uşaqlıq yoluna dərinə yeridilir 7 gün ərzində və ya həkimin digər təyinatına uyğun olaraq. 

Residivləşən vaginitlər və ya digər növ müalicələrə rezistent vaginitlər zamanı preparatı gecə 1 şam 14 gün ərzində istifadə etmək lazımdır. 

Doza həddinin aşılması:

Vaginal istifadəsi zamanı metronidazolun həyati təhlükəli simptomlar yaratması az ehtimal olunur. 

Əlavə təsirləri:

Qan və limfatik sistemə: tezliyi məlum deyil - leykopeniya.

İmmun sistem tərəfindən: tezliyi məlum deyil - hiperhəssaslıq reaksiyaları, allergik reaksiyalar. 

Sinir sisteminə: tez-tez - başhərlənmə, başağrısı; tezliyi məlum deyil - yorğunluq, zəiflik, ataksiya, qıcolmalar, yüksək dozaların istifadəsi zamanı və/və ya metronidazolun uzunmüddətli istifadəsi zamanı periferik neyropatiya. 

Təsiredici maddələr: METRONİDAZOL+MİCONAZOL  1 şamın tərkibində 750 mq metronidazol, 200 mq mikonazol nitrat vardır.

Köməkçi maddələr: bərk piy.