İstifadəsinə göstərişlər : 

-  Preparata həssas ştammlar tərəfindən törədilən dermatofitiyalar (ayq və əlin, hamar dərinin mikozları), kandidoz zədələnmələr, rəngarəng (kəpəklənən) dəmrov, eritrazmalar;

-  Aspergillus cinsindən olan göbələklərin törətdiyi dəri zədələnmələri;

-  Piodermiyalar, həmçinin onun qanqrez forması, səthi follikullit, furunkulyoz, sikoz, paronixiyalar, infeksiyalaşmış sivilcə və seboreyalı dermatit;

-  Göbələk və bakterial etiologiyalı ekzemalar
, dərinin göbələk və virus infeksiyalarında ikincili bakterial infeksiyalaşması;

-  İnfeksiyalaşmış yaralar.

Əks göstərişlər :

Preparatın komponentlərinə qarşı yüksək həssaslıq; hamiləlik və laktasiya dövrü; uşaq yaşları.

İstifadə qaydası və dozası :

Klotreks məlhəmi böyüklərdə istifadə olunur, dərinin zədələnmiş sahəsinə nazik təbəqə şəklində gündə 2-3 dəfə sürtülür. Zədələnmiş sahəyə okklüzion sarğı oluna və ya açıq halda saxlana bilər. Müalicə kursu xəstəliyin gedişinin ağırlıq dərəcəsindən və zədələnmiş səthin sahəsindən asılıdır və orta hesabla 2 həftədən 4 həftəyə qədər davam edir. Dəri xəstəliyinin ağır gedişi zamanı müalicə 5-6 həftəyə qədər uzadıla bilər.

Təsiredici maddə : 1 q məlhəmin tərkibində 10 mq klotrimazol (100% quru maddəyə nəzərən), 1 mq gentamisin sulfat (effektivliyi 600 mkq/mq olan gentamisinə və susuz maddəyə nəzərən), 50 mq qatı gülümbahar ekstraktı (2-3:1), 20 mq qatı boymadərən ekstraktı (3-8:1) vardır.

Köməkçi maddələr : Propilenqlikol, polietilenqlikol 400, emulqator, təmizlənmiş su.