İSTİFADƏSİNƏ GÖSTƏRİŞLƏR:

- qeyri-revmatik təbiətli iltihablar zamanı ağrı sindromu

- oynaqların və onurğanın iltihabi və degenerativ xəstəlikləri

- nevritlər və nevralgiyalar

- kəskin podaqralı artrit

Yumşaq toxumaların revmatik zədələnməsi.

ƏKS GÖSTƏRİŞLƏR:

- preparatın istənilən komponentinə qarşı yüksək həssaslıq

- mədə-bağırsaq qanaxmaları

- kəllədaxili qanaxmaları

- burun və burunətrafı boşluqların selikli qişasının polipozu ilə residivləşən tam və natamam bronxial astmanın birləşməsi və asetilsalisil turşusunun və digər QSİƏP-ə qarşı dözümsüzlük

- laxtalanmanın pozulması

- ağır qaraciyər çatışmazlığı

- qaraciyərin aktiv xəstəlikləri

- ağır dərəcəli böyrək çatışmazlığı

- böyrəklərin proqressivləşən xəstəlikləri

- ağır ürək çatışmazlığı

- 12 yaşa qədər uşaqlar

- hamiləlik və laktasiya dövrü

- təsdiq edilmiş hiperkaliemiya

HAMİLƏLİK VƏ LAKTASİYA DÖVRÜNDƏ İSTİFADƏSİ:

Hamiləlik və laktasiya dövründə preparatın istifadəsi əks göstərişdir.

İSTİFADƏ QAYDASI VƏ DOZASI:

Klodifen Neyro kapsulları yemək vaxtı, çeynəmədən və bir xeyli miqdarda maye ilə daxilə qəbul edilməlidir.

Preparat böyüklərə müalicənin əvvəlində sutkada 3 dəfə 1 kapsul, dəstəkləyici dozada sutkada 1-2 dəfə 1 kapsul təyin edilir.Terapiyanın müddəti xəstəliyin xarakterindən və ağırlığından asılıdır.

ƏLAVƏ TƏSİRLƏRİ:

Həzm sistemində baş verən pozğunluqlar: tez-tez-abdominal ağrılar, köpmə hissi, ürəkbulanma, qəbizlik, meteorizm, qaraciyər fermentlərinin səviyyəsinin artması: bəzən-stomatit, selikli qişaların quruluğu, iştahanın dəyişməsi.

Qanyaradıcı orqanlarda baş verən pozğunluqlar: bəzən-anemiya, leykopeniya, trombositopeniya, eozinofiliya, aqranulositoz, trombositopenik purpura.

DOZA HƏDDİNİN AŞILMASI:

Simptomları:

Qusma, başgicəllənmə, başağrı, təngənəfəslik, şüurun dumanlanması: uşaqlarda-mioklonik qıcolmalar, ürəkbulanma, abdominal ağrı, qanaxma, qaraciyər və böyrəklərin funksiyasının pozulması.

Müalicəsi:

Mədənin yuyulması, aktivləşdirilmiş kömürün qəbulu.Simptomatik terapiya, sürətləndirilmiş diurez tətbiq edilir.Hemodializ az effektlidir.

SAXLANMA ŞƏRAİTİ:

25 C-dən yüksək olmayan temperaturda, rütubətdən və işıqdan qorunan və uşaqların əli çatmayan yerdə saxlamaq lazımdır.

APTEKDƏN BURAXILMA ŞƏRTİ:

Resept əsasında buraxılır.

İSTEHSALÇI:

Böyük Britaniya.

Təsiredici maddə: 1 kapsulda 50 mq diklofenak natrium, 50 mq tiamin hidroxlorid, 50 mq piridoksin hidroxlorid, 0.25 mq sianokobalamin vardır.

Köməkçi maddələr: lizin hidroxlorid, mikrokristallik sellüloza, susuz kolloidal silisium dioksid, maqnezium stearat.