İstifadəsinə göstərişlər:

- Dayaq-hərəkət aparatının xəstəlikləri (revmatizm və podaqranın kəskinləşməsi zamanı oynaq sindromu, revmatoid artrit, psoriatik artrit, osteoartroz, kökcük sindromu ilə müşayiət olunan osteoxondroz, radikulit, bağların iltihabı zədələnməsi, bursit, işiaz, lümbaqo);

- Revmatik və ya qeyri - revmatik mənşəli əzələ ağrıları;

- Yumşaq toxumaların və dayaq - hərəkət aparatının posttravmatik itihabı.

Əks göstərişləri:

- Ketoprofenə və ya dərman vasitəsinin tərkibində olan köməkçi maddələrdən hər hansı birinə qarşı yüksək həssaslıq;

- QSİƏP-a qarşı yüksk həssaslıq;

- Ketoprofen, tiaprofen turşusu, fenofibrat və ya parfümlərə qarşı dəri reaksiyası olanlarda;

- fotosensibilizasiya reaksiyası olan xəstələrdə;

- sulanan dermatozlar;

- ekzema;

- infeksiyalaşmış yaralar, açıq yaralar;

- hamiləlik;

- laktasiya dövrü;

- Müalicə müddətində və sonrakı 2 həftə ərzində solarium daxil olmaqla, hətta buludlu havadabelə günəş şualarına məruz qalınmamalıdır.

- Selikli qişalara, genital və anal nahiyələrə, gözlərə istifadə olunmamalıdır.

- Qapalı sarğı altında istifadə olunmamalıdır.

İstifadə qaydası və dozası:

Yalnız xaricə istifadə üçün!

4-6 sm uzunluqda gel yüngül masaj hərəkətləri ilə dərinin ağrılı və iltihablaşmış nahiyəsinə sürtülür. Həkim məsləhəti olmadan istifadə müddəti 7 gündən çox olmamalıdır.

Təsiredici maddələr:

100 q gelin tərkibində 2,5 q ketoprofen vardır.

Köməkçi maddələr:

karbomer, trolamin, etanol 96%, metilparahidroksibenzoat, təmizlənmiş su.