İstifadəsinə göstərişlər:

İndometasin Sofarma dayaq-hərəkət aparatının iltihabi və degenerativ xəstəlikləri zamanı kəskin və xroniki ağrıların simptomatik ,qısamüddətli müalicəsi üçün qəbul edilir: revmatoid artrit;kəskin və kəskinləşmiş yuvenil artrit;kəskin və kəskinləşmiş xroniki ankilozlaşdırıcı spondiloartrit(Bexterev xəstəliyi); podaqra və podaqra artritinin tutmaları; psoriatik artrit; Reyter xəstəliyi; oynaqətrafı xəstəliklər: tendinitlər, bursitlər, tendobursitlər,tendovaginitlər, idmançılarda travmalar; diskopatiya, pleksitlər,radikulonevritlər; dismenoreya.

Əks göstərişlər:

-Preparatın təsiredici maddəsinə və ya köməkçi maddələrindən hər hansı birinə qarşı yüksək həssaslıq;

-Ağır ürək çatışmazlığı;

-Ağır qaraciyər və böyrək çatışmazlığı;

-Babasil,anal çatlar və fistullar, proktitlər və düz bağırsağda,anusda olan digər xəstəliklər;

-Hamiləliyin son üç ayı və laktasiya dövrü;

-Yaşı 14-dən aşağı olan uşaqlar.

İstifadə qaydası və dozası:

Böyüklər və 14 yaşdan yuxarı uşaqlar

Adi doza - 1 şam 100 mq. gündə 1 dəfə. 150-200 mq-dan çox olan sutkalıq dozada istifadə edildikdə, əlavə təsirlərin meydana çıxma riski artır.

65-yaşdan böyük pasiyentlər

Əlavə təsirlərin yüksək riski mövcuddur.Preparatı ən aşağı effektiv dozada və ən qısa müddət ərzində istifadə etmək tövsiyə olunur.Mədə-bağırsaq traktında mümkün ola bilən qanaxmanı aşkar etmək üçün pasiyentləri müşahidə etmək lazımdır.

Təsiredici maddələr:

1 şamın tərkibində 0.1 q indometasin vardır.

Köməkçi maddələr:

1 tip bərk yağ, 2 tip bərk yağ.