İstifadəsinə göstərişlər:

Aşağıdakı xəstəliklər zamanı müşahidə olunan sirrozönü və sirroz vəziyyətlərində qaraciyərdaxili xolestaz:

- Qaraciyərin piy distrofiyası;

- Xroniki hepatit;

- Qaraciyərin müxtəlif mənşəli toksiki zədələnmələri, o cümlədən alkohol, virus, dərman qəbulu.

Əks göstərişlər:

- Metionin siklinə təsir edən və / və ya homosistinuriya və / və ya hiperhomosisteinemiyaya səbəb olan genetik qüsurlar;

- Bipolyar pozğunluqlar;

- 18 yaşa qədər yeniyetmələr.

İstifadə qaydası və dozası:

Preparat əzələ daxili və venadaxili inyeksiya şəklində təyin edilə bilər. Liofilizəolunmuş tozu yeridilməsindən bilavasitə əvvəl xüsusi əlavə edilmiş həlledicidə həll etmək lazımdır. Məhlulun istifadə edilməyən hissəsi atılmalıdır. 

Doza həddinin aşılması:

Simptomları: əlavə təsirlərin güclənməsi.

Müalicəsi: orqanizmin həyati-vacib funksiyalarını və xəstənin klinik vəziyyətini izləməklə yanaşı ümumi dəstəkləyici terapia.

Əlavə təsirləri:

Tez-tez:

- ürəkbulanma, qarında ağrılar, diareya

- baş ağrısı

- həyacan, yuxusuzluq

- dəri qaşınması.

Bəzən:

- ağızda quruluq, dispepsiya, meteorizm, mədə-bağırsaq ağrısı, mədə-bağırsaq qanaxması, mədə-bağırsaq pozğunluğu, qusma.

Təsiredici maddə: 1 flakonda 400 mq ademetionin ionuna müvafiq 760 mq S-adenosil-L-metionin 1,4-butandisulfonat vardır.

Həlledici: L-lizin, natrium hidroksid, inyeksiya üçün su.