İstifadəsinə göstərişlər:

Preparat şəkərli diabet müalicəsində, yalnız pəhriz, çəkinin azalması və fiziki hərəkətlərin effektsiz olduğu zaman istifadə olunur.

Diabetin müalicəsi üçün həkiminiz tərəfindən tövsiyə edilən pəhrizə ciddi riayət edilməlidir. Qlimepririd Denk 2 qəbul edərkən, pasiyentlər pəhriz təlimatlarına əməl etməlidirlər, çünki dərman pəhrizi əvəz etmir.

Əks göstərişləri:

- Qlimepirid və ya preparatın hər hansı köməkçi maddəsinə, sulfonil-sidik cövhərinin digər törəmələrinə və ya sulfanilamid preparatlarına qarşı hiperhəssaslıq;

- İnsulindən asılı diabet;

- Çox yüksək qan şəkərinin səbəb olduğu bayılma və ya huşunu itirmə hallarında;

- Diabetik metabolik dekompensasiya;

- Ağır böyrək və qaraciyər çatışmazlığı;

İstifadə qaydası və dozası:

Qlimepiridin dozası qanda və sidikdə qlükozanın miqdarının analizinə əsasən müəyyən edilir.

Preparatın dozasında dəyişiklik, çəkinin azalması, həyat tərzinin dəyişməsi, stres və ya xəstəliyin yaxşılaşması kimi halların dəyişməsi səbəbindən lazım ola bilər.

Böyüklər üçün başlanğıc doza gündə 1 mq qlimepiriddir.

Hamiləlik və laktasiya dövründə istifadəsi:

Hər hansı bir dərman qəbul etməzdən əvvəl həkiminiz və ya əczacıyla məsləhətləşin.

Qlimepirid denk 2 preparatının hamiləlik və laktasiya dövründə istifadəsi əks göstərişdir.

Təsiredici maddələr:

1 tabletin tərkibində 2 mq qlimepiride vardır.

Köməkçi maddəlır:

Laktoza monohidrat, qarğıdalı nişastası, natrium karboksimetilnişasta, povidon, polisorbat 80, talk, maqnezium stearat.