İstifadəsinə göstərişlər:

FOLİVEF hamilə qadınlarda, körpələrdə və ya uşaqlarda tropik və ya qeyri-tropik spru, qidalanma anemiya, fol turşusu çatışmazlığı səbəbindən meqaloblastik anemiyanın müalicəsi üçün göstərilir.

Əks göstərişlər:

Aktiv maddəyə və preparatın köməkçi maddələrindən hər hansı birinə qarşı yüksək həssaslıq.

Müalicə olunmamış kobalamin  çatışmazlığı olan hər bir xəstədə uzunmüddətli folat terapiyası əks göstərişdir.

Kobalamin çatışmazlığı müalicə olunmayan pernisioz anemiya zamanı və ya ömür boyu vegeterian olanlar da daxil olmaqla, digər kobalamin çatışmazlığı ola bilər.

Fol turşusu bədxassəli xəstəliklərdə, folat çatışmazlığından qaynaqlanan meqaloblastik anemiya əhəmiyyətli bir ağırlaşma olmağı halda istifadə edilməməlidir.

Hamiləlik və laktasiya dövründə istifadəsi:

Hamiləlik dövrü

Normal gündəlik qəbulu heç bir problem yaratmır. Ümumiyyətlə fol turşusu əlavələri faydalıdır.

Laktasiya dövrü

Fol turşusu aktiv şəkildə ana südünə keçir. Kolostrumda fol turşusu səviyyəsi nisbətən aşağıdır, lakin laktasiya irəlilədikcə vitamin konsentrasiyası artır. Anaları fol turşusu istifadə edən ana südü ilə qidalanan körpələrdə heç bir mənfi təsir müşahidə edilməmişdir.

Reproduktiv qabiliyyəti/Fertillik

Məlumat yoxdur.

Təsiredici maddələr:

1 tabletin tərkibində 5 mq fol turşusu vardır.

Köməkçi maddələr:

laktoza monohidrat, qarğıdalı nişastası, natrium nişastası qlikolat, talk, maqnezium stearat.