İstifadəsinə göstərişlər:

Vaginal şamlar formasında Femines preparatı aşağıda qeyd edilmiş müxtəlif səbəblərdən yaranan vaginitlərin müalicəsində yüksək dərəcədə effektivdir:

- Xüsusilə kandidoz və ya bakterial infeksiyaya şübhə olduqda, vaginada və vulvada qaşınma və yanma hissi ilə müşayiət olunan leykorreya.

- Anaerob bakteriyalar tərəfindən yaranan hallarda da daxil olmaqla bakterial vaginitlər. 

- Trixomonad vaginiti.

- Vaginal və ya vulvovaginal kandidozlar.

- Trichomonas vaginalis, göbələklər və/və ya bakteriyalar tərəfindən yaranan qarışıq vaginal infeksiyalar. 

Əks göstərişlər:

Preparatın hər hansı komponentlərinə qarşı yüksək həssaslıq halları. 

İstifadə qaydası və dozası:

Femines vaginal şamları, gündə bir dəfə və ya gündə iki dəfə ardıcıl 5-10 gün ərzində və ya həkim tərəfindən təyin edildiyi müddət ərzində vaginaya dərinə daxil edilməlidir. 

Doza həddinin aşılması:

Preparatın intravaginal istifadəsi zamanı doza həddinin aşılması barədə məlumat yoxdur. 

Əlavə təsirləri:

Nadir hallarda, müalicənin əvvəlində keçici xarakterli yerli qaşınma və vaginal qıcıqlanma meydana gələ bilər. 

Təsiredici maddə: METRONİDAZOLE, NEOMYCİN, SULFATE, NYSTATİN, HYDROCORTİSONE.  1 vaginal şamın tərkibində 500 mq metronidazol, 100 mq neomisin sulfat, 100 000 BV nistatin, 5 mq hidrokortizon asetat vardır. 

Köməkçi maddə: Bərk yağ.