İstifadəsinə göstərişlər:

Preparata həssas olan infeksiya ilə ağırlaşmış və yaxud bu infeksiyalaşmadan şübhəli aşağıdakı hallarda istifadə olunur. 

Allergik və adi dermatit

Atopik dermatit

Ekzema, dermatomikoz, xüsusən də qasıq bölgəsində və iri dəri qatlarda yerləşən proseslərdə

Məhdud neyrodermit

Xroniki çəhrayı liken. 

Əks göstərişlər:

Preparatın aktiv komponentlərinə qarşı yüksək həssaslıq, dəri vərəmi, sifilis xəstəliyini müşaiət edən dəri səpgiləri, təbii çiçək, vaksinasiya sonrası reaksiya, 2 yaşa qədər uşaqlar. 

İstifadə qaydası və dozası:

Ancaq dəri səthinə istifadə olunur.

Zədələnmiş dəri səthinə və ətraf toxumaya, gündə 2 dəfə - səhər və axşam nazik bir təbəqə şəklində yaxılır. Müalicənin təsirli olması üçün dərman müntəzəm şəkildə istifadə olunmalıdır. Müalicə müddəti zədələnmiş ocağın lokalizasiyası və ölçüsündən, həmçinin, orqanizmin dərmana qarşı reaksiyasından asılıdır. Lakin, əgər 4 həftə ərzində xəstədə yaxşılaşma qeyd olunmursa, bu zaman diaqnoz təkrar gözdən keçirilməlidir. 

Doza həddinin aşılması

Gentamisinin uzunmüddətli və yüksək dozada istifadəsi rezistend floranın inkişafına səbəb ola bilər. 

Əlavə təsirləri:

Nadir hallarda Dermizol-G kreminin istifadəsi zamanı yandırma hissi, eritema, eksudasiya, istifadə olunan nahiyədə dərinin rənginin dəyişməsi, qaşınma, dərinin quruluğu, ikincili infeksiyanın inkişafı qeyd oluna bilər. 

Təsiredici maddə: 10 q-lıq tub. Betametazon dipropionat, Klotrimazol, Gentamisin Sulfat. 

Betametazon dipropionat    6,4 mq

Klotrimazol    100 mq

Gentamisin Sulfat    10 mq.

20 q-lıq tub.

Betametazon dipropionat    12,8 mq

Klotrimazol    200 mq

Gentamisin Sulfat    20 mq.

Köməkçi maddələr: Xlorokrezol, Ketosteril alkoqol, Ağ vazelin, Maye parafin, Polioksil 25 ketosteril efiri, Propilenqlükol, Monobazik natrium fosfat, Metilparaben, Propilparaben, təmizlənmiş su.