İstifadəsinə göstərişlər:

Böyüklərdə və yeniyetmələrdə D vitamini çatışmazlığının profilaktikası və müalicəsi.

Əks göstərişləri:

- Təsiredici maddəyə və ya köməkçi maddələrdən hər hansı birinə qarşı yüksək həssaslıq;

- D hipervitaminoz;

- nefrolitiaz

- nefrokalsinoz;

- hiperkalsemiya və\və ya hiperkalsiuriya ilə nəticələnən xəstəlikləri və ya digər hallar ( məsələn, mieloma, sümük metastazları və ya digər bədxassəli sümük xəstəlikləri, birincili hiperparatireoz);

- ağır böyrək çatışmazlığı;

- 12 yaşdan aşağı uşaqlar.

İstifadə qaydası və dozası:

Tövsiyə olunan doza: böyüklərdə həftədə 1 kapsul (20.000 BV). Birinci aydan sonra 25-hidroksi xolekalsiferolun plazmadakı səviyyəsindən, xəstəliyin şiddətindən və xəstənin müalicəyə reaksiyasından asılı olaraq aşağı dozalar nəzərdən keçirilə bilər.

Hamiləlik və laktasiya dövründə istifadəsi:

Hamiləlik;
D vitamini çatışmazlığı ana və uşaq üçün zərərlidir.

Hamilə qadınlarda yüksək dozada D vitamini ilə müalicəsi tövsiyə edilmir.

Laktasiya:

Süd verən qadınlarda yüksək dozada  D vitamini ilə müalicə tövsiyə edilmir.

Təsiredici maddə:

1 kapsulda 20.000 BV xolekalsiferol vardır.

Köməkçi maddələr:

soya yağı, jelatin, qliserin, duru sorbitol 70%, xınalın sarısı FCF, günəş qürubu sarısı FCF, təmizlənmiş su.