İstifadəsinə göstərişlər:

Silostazol fasiləli axsaqlığın simptomatik müalicəsi üçün istifadə olunur.

Sakitlik halında ağrı və periferik toxumaların nekrozu olmayan fasiləli axsaması olan xəstələrdə maksimal və ağrısız yerişin yaxşılaşdırılması üçün.

Həyat tərzini dəyişən xəstələrdə fasiləli axsama simptomlarının aaradan qalxmadığı hallarda ikinci sıra preparat kimi təyin olunur.

Əks göstərişlər:

Ağır böyrək çatışmazlığı

Orta və ağır qaraciyər çatışmazlığı

Ürək çatışmazlığı zamanı baş verən durğunluq

Hamiləlik və laktasiya

Qanaxma riski olan pasiyentlər 

Mədəcik taxikardiyası, mədəciklərin fibrilyasiyası və ya anamnezdə politop mədəcik ekstrasistoliyası

EKQ-də QT intervalının uzanması

Anamnezdə ağır taxiaritmiya

Son 6 ay ərzində baş vermiş qeyri-stabil stenokardiya və ya miokard infarktı

Son 6 ay ərzində koronar invaziv müdaxilənin olması

CYP3A4 və ya CYP2C19 inhibitorları ilə birlikdə qəbulu

İstifadə qaydası və dozası:

Silostazolun  tövsiyə olunan dozası  gündə 2 dəfə 100 mq-dır. Preparat səhər və günorta yeməyindən 30 dəqiqə əvvəl qəbul olunur.

Silostazol yalnız fasiləli axsaqlığın müalicəsi ilə məşğul olan mütəxəssis tərəfindən təyin olunmalıdır.

Silostazol qaraciyər fermentləri tərəfindən geniş metabolizə uğradığı üçün orta və ağır qaraciyər çatışmazlığı olan pasiyentlərdə istifadəsi əks göstərişdir.

Təsiredici maddələr:

1 tabletin tərkibində 100 mq silostazol vardır.

Köməkçi maddələr:

sorbitol, talk,mikrokristallik sellüloza, krospovidon, kalsium karmelloza, susuz kolloidal silisium dioksid, maqnezium stearar, stearin turşusu.