İstifadəsinə göstərişlər:

Sidikçıxarıcı yolların xroniki iltihabi xəstəliklərinin kompleks müalicəsi.

Böyrək daşlarının yaranmasının profilaktikası, o cümlədən onların xaric olunmasından sonra.

Əks göstərişlər:

Preparatın istənilən komponentinə və ya digər Çətirkimilər fəsiləsi bitkilərinə qarşı, məsələn, cirə, razyana və anetola yüksək həssaslıq.

Kəskinləşmə dövründə mədə və 12 barmaq bağırsağın xora xəstəliyi.

Ürək çatışmazlığı və ya böyrək funksiyasının pozulması nəticəsində yaranan ödem və/və ya maye qəbulunun məhdudlaşdırılması barədə həkim tövsiyəsi.

Laktaza çatışmazlığı, laktoza dözümsüzlüyü.

6 yaşınadək uşaqlarda istifadəsi.

İstifadə qaydası və dozası:

Həkim təyinatı olmadıqda böyüklərdə və 12 yaşdan yuxarı uşaqlarda preparatı sutkada 3 dəfə 2 kapsul istifadə edilir.

Kapsullar çeynənmədən, kifayət qədər maye ilə udulur.

Preparatın qəbulu ilə yanaşı kifayət qədər maye qəbulunu təmin etmək vacibdir.

Müalicənin müddəti həkim tərəfindən fərdi müəyyən edilir. Preparat pasiyent tərəfindən yaxşı keçirildiyi halda onu uzun müddət təyin etmək olar.

Preparatı 12 yaşa qədər uşaqlarda istifadə etmək məsləhət görülmür.

Qızdırma, spazm, sidikdə qanın olması, sidiyəgetmənin pozulması və sidiyin kəskin ləngiməsi davam etdiyi halda dərhal həkimə müraciət etmək lazımdır.

Pasiyentdə bəzi şəkərlərə qarşı dözümsüzlük müəyyən edildikdə bu preparatı qəbul etməzdən əvvəl həkimlə məsləhətləşmək vacibdir.

Preparatın tərkibinə FCF sarı boya maddəsi daxildir ki, bu da allergik reaksiyalara səbəb ola bilər.

Təsiredici maddə:

1 kapsulda xırdalanmış dərman bitkisi xammalı vardır:

18 mq qızıl çətir otu, 18 mq rozmarinin yarpaqları, 18 mq levistikin kökü.

Köməkçi maddə:

laktoza monohidrat, polivunilpirrolidon, qarğıdalı nişastası, kolloidal silisium dioksid, maqnezium stearat.