İstifadəsinə göstərişlər:

- Moksifloksasinə həssas mikroorqanizmlər  tərəfindən törədilən bakterial konyuktivit.

- Konyuktivit; itdirsəyi; blefarit; keratit; buynuz qişanın xorası; dakriostit; meybo-miit;oftalmoloji əməliyyatlardan və gözlərin travmasından sonra baş verə biləcək infeksion fəsadların profilaktikası.

Əks göstərişlər:

Dərman preparatının komponentlərindən hər hansı birinə və ya flüorxinolon qruoundan olan digər maddələrə qarşı yüksək həssaslıq.

1 yaşa qədər uşaq yaş dövrü.

Hamiləlik dövrü.

Laktasiya dövrü.

Pediatrik istifadəsi: 

Moksifloksasin steril göz damcısının, bir yaşdan aşağı olan uşaqlarda təhlükəsizliyi və effektivliyi sübuta yetirilmədiyindən, 1 yaşdan kiçik uşaqlarda istifadə olunmur.

Geriatrik istifadə:

Yaşlı və cavan pasiyentlərdə preparatın təhlükəsizlik və effektivlik baxımından ümumi bir fərq müşahidə edilməmişdir.

İstifadə qaydası və dozası: 

Yerli istifadə olunur. Böyüklərə və 1 yaşdan yuxarı uşaqlara 7 gün ərzində gündə 3 dəfə zədələnmiş göz(lər)ə 1 damcı damızdırılır. Adətən vəziyyətin yaxşılaşması 5 gündən sonra baş verir və bundan sonra müalicəni daha 2-3 gün davam etdirmək lazımdır. Əgər 5 gündən sonra  vəziyyət yaxşılaşmazsa, diaqnozun  düzgünlüyü və/və ya təyin edilmiş müalicənin məsələsini müzakirə etmək lazımdır.Müalicə müddəti vəziyyətin ağırlığından və xəstəliyin klinik və bakterioloji gedişindən asılıdır. 

Təsiredici  maddə:  1 ml preparatın tərkibi 5.45 mq moksifloksasin hidroxlorid vardır.

Köməkçi maddələr:  polivinil spirt, buzlaq sirkə turşusu, sodyum asetat (susuz), mannitol, disodyum edetat, sodyum hidroksid və ya hidroklor turşusu, injection üçün su.