İstifadəsinə göstərişlər:

Göz əməliyyatları ilə əlaqəli ağrı və iltihabın müalicəsi.

Əks göstərişlər:

Difluprednata və ya preparatın digər komponentlərindən istənilən birinə qarşı yüksək həssaslıq;

buynuz qişanın və ya konyuktivanın virus mənşəli xəstəlikləri;

gözlərin mikobakterial və göbələk infeksiyaları. 

İstifadə qaydası və dozası:

Əməliyyatdan 24 saat sonra başlayaraq gözün konyuktival kisəciyinə gündə 4 dəfə 1 damcı təyin edilir və əməliyyatdan sonrakı ilk 2 həftə ərzində gündə 2 dəfə davam etdirilməlidir. Zədələnmiş gözün konyuktival kisəciyinə 14 gün ərzində gündə 4 dəfə, bir damcı təyin edilir. 

Doza həddinin aşılması:

Doza həddinin aşılması zamanı pasiyentin müvafiq monitorinqi və müalicəsi aparılmalıdır. 

Əlavə təsirləri:

Gözdaxili təzyiqin artması, arxa subkapsulyar kataraktanın yaranması, ikincili göz infeksiyaları, göz almasının perforasiyası, kornial ödem, siliar və konyuktival hiperemiya, gözlərdə ağrı, fotofobiya, konyuktival ödem, görmə itiliyinin azalması.

Təsiredici maddə: 100 ml preparatın tərkibində 0.05 q difluprednat vardır.

Köməkçi maddələr: qliserin, polioksil 35, gənəgərçək yağı, polisorbat 80, povidon, aminokapron turşusu, mannitol, dinatrium hidrofosfat dihidrat, natrium hidroksid/xlorid turşusu, inyeksiya üçün su, sorbit turşusu 0,1%.