İstifadəsinə göstərişlər:

Atrofik və subatrofik rinitlərin köməkçi müalicəsi və profilaktikası üçün;

burun boşluğunun, əlavə ciblərin və burun-udlağın iltihabi xəstəliklərində, o cümlədən hamilə qadınlarda və laktasiya dövründə burunun selikli qişasının təmizlənməsi və nəmləndirilməsi üçün;

allergik və vazomotor rinitlərin kompleks müalicəsində;

payız-qış dövründə burun boşluğu infeksiyalarının profilaktikası üçün;

yuxarı tənəffüs yollarının selikli qişası davamlı olaraq zərərli təsirlərə məruz qalan insanlarda;

burun selikli qişasında yaşla əlaqəli yaranan atrofik dəyişikliklərin profilaktikası məqsədilə yaşlı insanlarda.

Əks göstərişləri:

Preparat 1 yaşdan kiçik uşaqlara tədbiq edilməməlidir. Preparatın komponentlərinə qarşı yüksək həssaslıq hallarında istifadə edilməməlidir.

İstifadə qaydası və dozası:

Köməkçi müalicə məqsədilə

1 yaşdan 7 yaşa qədər uşaqlara: gündə 4 dəfə hər burun keçəcəyinə iki püskürtmə;

7 yaşdan 16 yaşa qədər uşaqlara: gündə 4 - 6 dəfə hər burun keçəcəyinə iki püskürtmə;

16 yaşdan yuxarı yeniyetmələrə və böyüklərə: gündə 4 - 8 dəfə hər burun keçəcəyinə iki-üç püskürtmə.

Profilaktika məqsədilə

1 yaşdan 7 yaşa qədər uşaqlara: gündə 1 - 3 dəfə hər burun keçəcəyinə bir-iki püskürtmə;

7 yaşdan 16 yaşa qədər uşaqlara: gündə 2 - 4 dəfə hər burun keçəcəyinə iki püskürtmə;

16 yaşdan yuxarı yeniyetmələrə və böyüklərə: gündə 3 - 6 dəfə hər burun keçəcəyinə iki-üç püskürtmə.

30 ml məhlulun tərkibində vardır:

Təsiredici maddə: tərkibində duzlar və mikroelementləri olan Adriatik dənizinin suyu - 6042 mq;

Köməkçi maddələr: dekspantenol - 300 mq, kalium dihidrofosfat, dinatrium fosfat do dekahidrat, təmizlənmiş su - 30 ml-ə qədər.

Tərkibində konservantlar yoxdur.