İstifadəsinə göstərişlər:

Tənəffüs yollarında qatı bəlğəmin əmələ gəlməsi ilə təzahür edən tənəffüs sisteminin kəskin və xroniki xəstəliklərində bəlğəmin xaric olmasını asanlaşdırmaq və öskürəyi yüngülləşdirmək məqsədilə istifadə edilir.

Əks göstərişlər:

Şərbətin təsiredici maddəsinə və ya köməkçi maddələrindən hər hansı birinə qarşı allergiya.

İstifadə qaydası və dozası:

Şərbət yemək vaxtı daxilə qəbul edilir.

Böyüklər və 12 yaşdan böyük uşaqlar: birinci 2-3 gün - gündə 3 dəfə 10 ml, sonradan dozanı artırmaq olar - gündə 2 dəfə 10 ml.

Uşaqlar

6 yaşdan 12 yaşa qədər - gündə 2-3 dəfə 5 ml.

2 yaşdan 6 yaşa qədər - gündə 3 dəfə 2,5 ml.

2 yaşdan aşağı - gündə 2 dəfə 2,5 ml.

Doza həddinin aşılması:

Doza həddinin aşılması zamanı həkiminizə müraciət edin.

Əlavə təsirləri:

Tez-tez: ağız boşluğunda və boğazda azalmış həssaslıq, ürəkbulanma, dadbilmə hissinin dəyişməsi. 

Bəzən: ağızda quruluq, qusma, ishal, dispepsiya və qarında ağrılar. 

Təsiredici maddə: 5 ml şərbətin tərkibində 15 mq ambroksol hidroxlorid vardır.

Köməkçi maddələr: sorbitol, metil parahidroksibenzoat, propil parahidroksibenzoat, qliserin, propilenqlikol, saxarin natrium, limon turşusu monohidrat, duru "Moruq" essensiyası, təmizlənmiş su.